followers 1 popularity
1
following 1

followers  view all

following  view all

Groups
Tamil32 is not in any groups
Tamil32
https://www.tamil32.com/technology-news/how-glassdoor-help-job-seekers/
11 days ago

Rajinikanth’s Next Movie: ரஜினியின் அடுத்த படத்தின் கதாநாயகி நயன்தாரா?

Rajinikanth’s Next Movie: ரஜினியின் அடுத்த படத்தின் கதாநாயகி நயன்தாரா?
கார்த்திக் சுப்பாராஜ் இயக்கத்தில் ரஜினி நடித்த பேட்ட திரைப்படம் மாபெரும் வெற்றி பெற்றதையடுத்து ரஜினியின் அடுத்த படத்தை ஏ ஆர் முருகதாஸ் இயக்குகிறார். இந்த திரைப்படத்தில் ரஜினிக்கு ஜோடியாக நடிக்க நயன்தாராவிடம் பேச்சுவார்த்தை நடை பெற்று வருவதாக தகவல்கள் வெளியாகியுள்ளன. லைகா நிறுவனம் தயாரிக்கும் இத்திரைப்படத்திற்கு சந்தோஷ் சிவன் ஒளிப்பதிவு செய்கிறார்.

Source: https://www.tamil32.com/cinema-news/nayanthara-to-pair-up-with-rajinikanth-next-movie/
Added 6 hours agoadd/view comments (0)

Tamil Nadu Traffic News: போக்குவரத்து விதி மீறல் குறித்து செல்போனில் புகார் தெரிவிக்கலாம்

Tamil Nadu Traffic News: போக்குவரத்து விதி மீறல் குறித்து செல்போனில் புகார் தெரிவிக்கலாம்
தமிழகம் முழுவதும் போக்குவரத்து விதி மீறல்களும் சாலை ஆக்கிரமிப்புகளும் ஆங்காங்கே நடைபெற்று வருவதாக குற்றச்சாட்டு எழுந்துள்ளது. இதற்கு தீர்வு காணும் வகையில் புகார் தெரிவிக்க செல்போன் எண்ணை டி.ஜி.பி. ராஜேந்திரன் அறிவித்துள்ளார். 9498181457 என்ற தொலைபேசி எண் தொடங்கப்பட்டுள்ளது. பொதுமக்கள் போக்குவரத்து விதிமீறல் தொடர்பாக இந்த எண்ணில் புகார் தெரிவிக்கலாம் என குறிப்பிட்டுள்ளார்.

Source: https://www.tamil32.com/tamilnadu-news/violation-of-traffic-rules-complaints-can-be-made-on-the-cellphone/
Added 6 hours agoadd/view comments (0)

Tamil Nadu Breaking News: மாநகராட்சி எண்ணிக்கையில் வஞ்சிக்கப்படுகிறதா வட தமிழகம்?

Tamil Nadu Breaking News: மாநகராட்சி எண்ணிக்கையில் வஞ்சிக்கப்படுகிறதா வட தமிழகம்?
Tamil Nadu Municipal Corporations: தமிழகத்தில் ஓசூர், நாகர்கோயில் ஆகிய நகராட்சிகள் மாநகராட்சிகளாக தரம் உயர்த்தப்படுவதற்கான மசோதா தாக்கல் செய்யப்பட்டதை அடுத்து மொத்த மாநகராட்சிகளின் எண்ணிக்கை 12 இல் இருந்து 14 ஆக உயர்ந்துள்ளது.
இவற்றில் மதுரை, திருநெல்வேலி, தூத்துக்குடி, திண்டுக்கல் மற்றும் புதிதாக சேர்க்கப்பட்டுள்ள நாகர்கோயில் ஆகியன தென் தமிழகத்தில் அமைந்துள்ளன. கோவை, ஈரோடு, சேலம், திருப்பூர் ஆகியன கொங்கு மண்டலத்தில் அமைந்துள்ளன. திருச்சி, தஞ்சாவூர் ஆகியன மத்திய கிழக்கு பகுதியில் அமைந்துள்ளன. வட தமிழகம் சென்னை, வேலூர் மற்றும் புதிதாக சேர்க்கப்பட்டுள்ள ஓசூர் உடன் சேர்த்து மூன்று மாநகராட்சிகளை கொண்டுள்ளது.
மக்கள் தொகை மற்றும் வருவாயின் அடிப்படையில் தான் மாநகராட்சிகள் உருவாக்கப்படும். பெரும்பாலான தென் மாவட்ட மாநாகராட்சிகளின் பிரதான தொழில் மீன் பிடித்தல், உப்பு உற்பத்தி மற்றும் அவை சார்ந்த சந்தை படுத்துதலே ஆகும். வட மண்டலங்களான சென்னை, வேலூர், தர்மபுரி, கிருஷ்ணகிரி ஆகிய இடங்களில் நூற்றுக்கணக்கில் தொழிற்சாலைகளும், பன்னாட்டு நிறுவனங்களும் இறைந்து கிடக்கின்றன. மக்கள் தொகையிலும் வட மண்டலமே முன்னிலையில் உள்ளது. அப்படி இருக்கையில் மாநகராட்சி உருவாக்கத்தில் வட மண்டலத்தை விட்டுவிட்டு எந்த அடிப்படையில் அரசு தென் மண்டலத்திற்கு முக்கியத்துவம் கொடுக்கிறது என்று மக்களிடையே முணுமுணுப்பு காணப்படுகிறது.
1998 ஆம் ஆண்டு நடந்த கலவரம் தொடர்பான வழக்கில் கடந்த மாதம் விளையாட்டு துறை அமைச்சரும் ஓசூர் சட்டமன்ற தொகுதி உறுப்பினருமான அதிமுகவை சேர்ந்த பாலகிருஷ்ண ரெட்டி பதவி இழந்ததும், 3 ஆண்டுகள் சிறை தண்டனை பெற்றதும் அனைவரும் அறிந்ததே. மக்களவை தேர்தல் நெருங்கி கொண்டிருக்கும் இந்த வேளையில் இந்த சம்பவம் ஓசூர் மீதான அதிமுகவின் பிடிப்பை சற்று குறைத்துவிட்டது என்றே சொல்லலாம். அதனை சரிக்கட்ட தான் தற்பொழுது ஓசூர் மாநகராட்சியாக உயர்த்தப்பட்டுள்ளது என்றும் இது முழுக்க முழுக்க தேர்தலை கருத்தில் கொண்டு மேற்கொள்ளப்பட்ட செயல் என்றும் கருத்துக்கள் நிலவுகிறது.
ஓசூருடன் சேர்த்து பார்த்தாலும் வட மண்டலத்தில் உள்ள மாநகராட்சிகள் எண்ணிக்கை மூன்று தான். இங்கும் அரசுக்கு அதிக அளவு வரிவருவாய் தந்து கொண்டிருக்கிற நகராட்சிகள் பல உள்ளன. தென் திசையிலேயே கவனம் செலுத்துவதை விட்டுவிட்டு வட திசையையையும் அரசு சற்று பார்த்தல் நன்றாக இருக்கும் என்பதே அங்குள்ள மக்களின் ஆதங்கமாக உள்ளது.

Source: https://www.tamil32.com/tamilnadu-news/is-the-corporations-counts-deceived-in-northern-tamilnadu/
Added 7 hours agoadd/view comments (0)

Lok Sabha Elections 2019: பாஜக 125 இடங்களில் மட்டுமே வெல்லும் வைகோ கணிப்பு

Lok Sabha Elections 2019: பாஜக 125 இடங்களில் மட்டுமே வெல்லும் வைகோ கணிப்பு
திருநெல்வேலி மாவட்டத்தில் நேற்று ம.தி.மு.க. நிதி வழங்கும் நிகழ்ச்சி நடைபெற்றது, இதில் அக்கட்சியின் பொதுச்செயலாளர் வைகோ தேர்தல் நிதியை பெற்றுக் கொண்டார். பின் செய்தியாளர்களுக்கு அளித்த பேட்டியில் தமிழகத்தில் 21 சட்டமன்ற தொகுதிகளுக்கான தேர்தல் வருகின்ற மக்களவைத் தேர்தலுடன் சேர்த்து நடத்தப்பட வேண்டும். மேலும் பா.ஜ.க. அரசு தமிழகத்திற்கு செய்த துரோகம் கொஞ்ச நஞ்சமல்ல. இத்தேர்தலில் 125 இடங்களை மட்டுமே பாஜகவால் வெல்லமுடியும். தமிழகத்தைப் பொறுத்தவரை 40 தொகுதிகளிலும் திமுக கூட்டணி வெல்லும் என்றார்.

Source: https://www.tamil32.com/tamilnadu-news/bjp-wont-win-in-south-india-mdmk-leader-vaiko/
Added 7 hours agoadd/view comments (0)

Election Commission of India News : தேர்தல் ஆணையராக சுசில் சந்திரா நியமனம்

Election Commission of India News : தேர்தல் ஆணையராக சுசில் சந்திரா நியமனம்
மக்களவைத் தேர்தல் நெருங்குவதால், அதற்கான பணிகளில் மத்திய அரசு தீவிரமாக ஈடுபட்டுள்ளது. அந்த வகையில் காலியாக இருந்த தேர்தல் ஆணையர் பதவி இடத்துக்கு தற்போது சுஷில் சந்திராவை மத்திய அரசு நியமனம் செய்துள்ளது. இந்த அறிவிப்பின் மூலமாக தற்போது தேர்தல் ஆணையராக சுனில் அரோராவும் இரண்டு தேர்தல் ஆணையர்களாக சுசில் சந்திராவும்,அசோக் ஆகியோரும் இருப்பர்.

Source: https://www.tamil32.com/india-news/cbdt-chairman-sushil-chandra-appointed-new-election-commissioner/
Added 10 hours agoadd/view comments (0)

Tamil Nadu Lok Sabha Elections 2019: தமிழகத்தில் பெரிய திருப்புமுனையை ஏற்படுத்த தமிழிசை சவுந்தரராஜன் உறுதி

Tamil Nadu Lok Sabha Elections 2019: தமிழகத்தில் பெரிய திருப்புமுனையை ஏற்படுத்த தமிழிசை சவுந்தரராஜன் உறுதி
பாஜகவின் தேசிய தலைவர் அமித்ஷா நேற்று ஈரோட்டில் பிரச்சாரத்தில் ஈடுபட்டார். அந்த நிகழ்ச்சியில் பேசிய தமிழிசை சௌந்தரராஜன் இம்முறை தமிழகத்தில் பலமான கூட்டணி அமைத்து பா.ஜ.க. வெற்றி பெறும். தமிழகத்தில் பிரம்மாண்டமான ஒரு திருப்புமுனையை ஏற்படுத்தும். தமிழக மக்களுக்கு தொடர்ந்து வளர்ச்சியை கொடுப்போம் என உறுதியளித்தார். திமுக, காங்கிரஸ் தவிர இதர கட்சிகளுடன் கூட்டணி குறித்து பேச்சுவார்த்தை நடைபெற்று வருகிறது எனவும், எந்தெந்த கட்சி என்பதை விரைவில் அறிவிப்போம் என்றார்,

Source: https://www.tamil32.com/tamilnadu-news/pm-modi-will-surely-make-an-turning-point-in-tamilnadu-says-tamilisai-soundararajan/
Added 10 hours agoadd/view comments (0)

17 ரூபாயை விட அதிக நிதி கொடுப்போம் – ராகுல் காந்தி

17 ரூபாயை விட அதிக நிதி கொடுப்போம் – ராகுல் காந்தி
நேற்று குஜராத்தில் நடந்த தேர்தல் பொதுக்கூட்டத்தில் பேசிய காங்கிரஸ் தலைவர் ராகுல் காந்தி,” மத்தியில் காங்கிரஸ் ஆட்சிக்கு வந்தால் ஏழை விவசாயிகளுக்கு பாஜக அறிவித்துள்ள ஒரு நாளுக்கு 17 ரூபாய் நிதியை விட அதிக நிதி வழங்குவோம்” என்று கூறினார். மேலும் விவசாயிகளின் கடனை தள்ளுபடி செய்ய மறுக்கும் மோடி அரசு, 15 தொழில் அதிபர்களின் ரூ.3.5 லட்சம் கோடி வங்கி கடனை தள்ளுபடி செய்துள்ளது என்றும் கூறினார்.

Source: https://www.tamil32.com/india-news/giving-rs-17-a-day-is-an-insult-to-farmers-says-rahul-gandhi/
Added 11 hours agoadd/view comments (0)

Lok Sabha 2019 news in Tamil: தேர்தலை கருத்தில் கொண்டு தான் திரும்ப திரும்ப தமிழகம் வருகிறார் மோடி – கனிமொழி

Lok Sabha 2019 news in Tamil: தேர்தலை கருத்தில் கொண்டு தான் திரும்ப திரும்ப தமிழகம் வருகிறார் மோடி – கனிமொழி
டெல்லியில் நடைபெற்ற எதிர்க்கட்சிகள் பொதுக்கூட்டத்தில் கலந்து கொண்டு சென்னை திரும்பிய திமுக எம் பி கனிமொழி செய்தியாளர்களுக்கு அளித்த பேட்டியில், “ கஜா புயலால் தமிழகமே தள்ளாடிய பொழுது வராத மோடி மக்களவை தேர்தல் நெருங்கி கொண்டிருப்பதால் இப்பொழுது திரும்ப திரும்ப வருகிறார்” என்று குற்றம் சாட்டினார். மேலும், வரும் தேர்தலில் அதிமுகவை மக்கள் தோற்கடிப்பார்கள் என்று கூறிய அவர்; திமுக சார்பில் தான் தேர்தலில் நிற்பது பற்றி கட்சி தலைமை தான் முடிவு எடுக்க வேண்டும் என்று கூறினார்.

Source: https://www.tamil32.com/tamilnadu-news/modi-is-coming-to-tamilnadu-in-view-of-the-election-says-kanimozhi/
Added 12 hours agoadd/view comments (0)

Terror Attack in J&K: காஷ்மீர் பயங்கரவாத தாக்குதல் – 44 இந்திய ராணுவ வீரர்கள் உயிரிழப்பு

Terror Attack in J&K: காஷ்மீர் பயங்கரவாத தாக்குதல் – 44 இந்திய ராணுவ வீரர்கள் உயிரிழப்பு
காஷ்மீர் மாநிலத்தில் இந்திய பாதுகாப்பு படையினர் பயணித்துக் கொண்டிருந்த பேருந்தின் மீது தற்கொலைப்படை தீவிரவாதி ஒருவன் வெடிகுண்டுகள் நிரப்பிய காரை மோதினான். இதில் தூத்துக்குடியை சேர்ந்த தமிழக வீரர் ஒருவர் உட்பட 44
ராணுவ வீரர்கள் உயிரிழந்துள்ளனர். 20 வீரர்கள் படுகாயம் அடைந்துள்ளனர் அவர்களுக்கு சிகிச்சை அளிக்கப்பட்டு வருகிறது. இந்த தாக்குதலுக்கு உலக நாடுகள் பலவும் கடும் கண்டனம் தெரிவித்துள்ளன. இதனிடையே பாதுகாப்பு படைக்கான மத்திய
அமைச்சரவைக் குழு பிரதமர் மோடி தலைமையில் அடுத்த கட்ட நடவடிக்கை குறித்து ஆலோசனை நடத்தி வருகிறது.

Source: https://www.tamil32.com/india-news/terror-attack-in-kashmir-today/
Added 13 hours agoadd/view comments (0)

Puducherry Breaking News Tamil: அரசியல் ஆதாயத்திற்கே தர்ணா, பொன் ராதாகிருஷ்ணன் குற்றச்சாட்டு

Puducherry Breaking News Tamil: அரசியல் ஆதாயத்திற்கே தர்ணா, பொன் ராதாகிருஷ்ணன் குற்றச்சாட்டு
புதுவை துணைநிலை ஆளுநர் கிரண்பேடியை எதிர்த்து தர்ணா போராட்டத்தில் குதித்துள்ள நாராயணசாமி அரசியல் ஆதாயத்திற்காக மட்டுமே தர்ணா போராட்டம் நடத்துகிறார் என மத்திய இணை அமைச்சர் பொன் ராதாகிருஷ்ணன் குற்றம்சாட்டியுள்ளார். மேலும் இது தொடர்பாக கருத்து தெரிவித்த துணைநிலை ஆளுநர் கிரண்பேடி முதல்வரை சந்தித்து பேச தயாராக உள்ளேன் என்று கூறியிருப்பது குறிப்பிடத்தக்கது.

Source: https://www.tamil32.com/tamilnadu-news/pon-radhakrishnan-accused-puducherry-cm-narayanasamy-protest-and-says-its-just-a-political-drama/
Added yesterdayadd/view comments (0)

AIADMK News in Tamil- துணை முதல்வர் ஓபிஸ், காங்கிரஸ் உறுப்பினர் இடையே காரசார விவாதம்

AIADMK News in Tamil- துணை முதல்வர் ஓபிஸ், காங்கிரஸ் உறுப்பினர் இடையே காரசார விவாதம்
சட்டமன்றத்தில் பட்ஜெட் மீதான விவாதத்தில் பேசிய காங்கிரஸ் குழு தலைவர் ராமசாமி, அதிமுக வரும் தேர்தல்களில் தனித்து போட்டியிட தயாரா என கேள்வி எழுப்பினார். அப்போது அனைத்து கட்சிகளும் தனித்து போட்டியிட தயார் என்றால் அதிமுகவும் தனித்து போட்டியிட தயார் என கூறினார். மேலும் 1967 முதல் காங்கிரஸ் அதிமுக,திமுக மீது தான் சவாரி செய்து வருகிறது என விமர்சித்தார். இது தொடர்பாக கருத்து தெரிவித்த அரசியல் பார்வையாளர்கள் ”இது போன்ற கருத்துகள் எழுவது பெரிதல்ல, எந்த கட்சியும் தனித்து நிற்கும் சூழல் இன்று இல்லை”.

Source: https://www.tamil32.com/tamilnadu-news/argument-between-ops-and-congress-legislature-party-chief-kr-ramasamy/
Added yesterdayadd/view comments (0)

Road Transport Minister Nitin Gadkari: நாளை சென்னைக்கு வருகிறார் மத்திய அமைச்சர் நிதின் கட்கரி

Road Transport Minister Nitin Gadkari: நாளை சென்னைக்கு வருகிறார் மத்திய அமைச்சர் நிதின் கட்கரி
இன்னும் 2 வாரங்களில் தேர்தல் தேதி அறிவிக்கப்பட உள்ள நிலையில் அனைத்து பாஜக தலைவரும் தமிழகத்தில் சூறாவளி பிரச்சாரம் மேற்கொள்கின்றனர் கட்சியின் செயல்பாடுகளை பலப்படுத்தும் வகையில் நாளை சென்னை ராயப்பேட்டை ஒய்எம்சிஏ திடலில் பா.ஜ.க வாக்குச்சாவடி பொறுப்பாளர்கள் கூட்டத்தில் மத்திய அமைச்சர் நிதின் கட்கரி உரையாற்றுகிறார்.

Source: https://www.tamil32.com/tamilnadu-news/union-minister-nitin-gadkari-to-visit-chennai-tomorrow/
Added yesterdayadd/view comments (0)

Tamil Nadu News: ஏழை குடும்பங்களுக்கு 2000 வழங்கும் திட்டத்திற்கு தடை விதிக்கக் கோரி வழக்கு

Tamil Nadu News: ஏழை குடும்பங்களுக்கு 2000 வழங்கும் திட்டத்திற்கு தடை விதிக்கக் கோரி வழக்கு
வறுமைக் கோட்டிற்கு கீழ் உள்ள 60 லட்சம் ஏழை குடும்பங்களுக்கு தலா ரூபாய் 2000 அவரவர் வங்கிக் கணக்கில் செலுத்தப்படும் என்று தமிழக அரசு அறிவித்திருந்தது. இந்த நிலையில் சட்ட பஞ்சாயத்து இயக்கம் சார்பில் இந்த திட்டத்திற்கு தடை விதிக்க கோரி உச்ச நீதிமன்றத்தில் வழக்கு தொடரப்பட்டுள்ளது. அந்த மனுவில் தமிழகத்தில் அந்தயோத்யா அட்டைதாரர்கள் 18 லட்சம் பேர் மட்டுமே அப்படி இருக்கையில் 60 லட்சம் குடும்பங்கள் வறுமைக்கோட்டுக்கு கீழ் உள்ளது என்று தமிழக அரசு கூறுவது எப்படி சரியாகும்? தேர்தலை கருத்தில் கொண்டு இந்த எண்ணிக்கையை தமிழக அரசு அதிகரித்துள்ளது. எனவே இத் திட்டத்திற்கு தடை விதிக்க வேண்டும் என்று குறிப்பிடப்பட்டுள்ளது.

Source: https://www.tamil32.com/tamilnadu-news/case-has-been-filed-to-ban-the-2000-scheme-for-poor-families/
Added yesterdayadd/view comments (0)

மோடி மீண்டும் ஆட்சிக்கு வந்தால் தமிழகத்தில் தமிழே இருக்காது – பாலகிருஷ்ணன்

மோடி மீண்டும் ஆட்சிக்கு வந்தால் தமிழகத்தில் தமிழே இருக்காது – பாலகிருஷ்ணன்
கரூரில் பேசிய இந்திய மார்க்சிஸ்ட் கம்யூனிஸ்ட் கட்சியின் மாநில செயலாளர் பாலகிருஷ்ணன் தமிழகத்திற்கு எதிரான நிலைப்பாடு உடைய மோடி நான்கரை ஆண்டுகளுக்குப் பிறகு தமிழகத்தில் திட்டங்களை துவக்கி வைப்பதன் நோக்கம் என்ன? அவை அனைத்தும் கையூட்டு திட்டங்கள். வருகின்ற நாடாளுமன்ற தேர்தலுடன் 21 சட்டமன்ற தொகுதிகளின் இடைத்தேர்தல்கள் நடத்தப்பட வில்லை என்றால் மிகப்பெரிய போராட்டத்தில் ஈடுபடுவோம். மோடி மீண்டும் ஆட்சிக்கு வந்தால் தமிழகத்தில் தமிழே இருக்காது என்று கூறினார்.

Source: https://www.tamil32.com/tamilnadu-news/if-modi-came-back-to-power-again-there-wont-be-tamil-in-tamilnadu-says-balakrishnan/
Added yesterdayadd/view comments (0)

Puducherry Breaking News: பிரதமர் மோடி ஆளுநரை தூண்டிவிடுவதாக புதுவை முதல்வர் குற்றச்சாட்டு

Puducherry Breaking News: பிரதமர் மோடி ஆளுநரை தூண்டிவிடுவதாக புதுவை முதல்வர் குற்றச்சாட்டு
புதுச்சேரி மாநிலத்தின் துணைநிலை ஆளுநர் கிரண்பேடி தனது அதிகாரத்தை துஷ்பிரயோகம் செய்வதை கண்டித்துதான் நாங்கள் தர்ணா போராட்டத்தில் ஈடுபட்டுள்ளோம் என புதுவை முதல்வர் கூறியுள்ளார் மக்களவைத் தேர்தல் வரும் நிலையில் பிரதமர் மோடி ஆளுநரை தூண்டிவிட்டு அரசியல் குழப்பத்திற்கு வழிவகுக்கிறார் எனவும் குற்றம் சாட்டியுள்ளார்

Source: https://www.tamil32.com/tamilnadu-news/pm-modi-encouraging-puducherry-governor-kiran-bedi-to-create-problems-for-cm-narayanaswamy-governement/
Added yesterdayadd/view comments (0)

Tamil Cinema News: தல அஜித் உடன் மோதும் சிவகார்த்திகேயன்

Tamil Cinema News: தல அஜித் உடன் மோதும் சிவகார்த்திகேயன்
அஜித் நடிப்பில் உருவாகி வரும் பிங்க் ஹிந்தி திரைப்படத்தின் தமிழ் ரீமேக் மே ஒன்றாம் தேதி வெளிவர உள்ளது. இந்நிலையில் சிவகார்த்திகேயன் மற்றும் நயன்தாரா நடித்து வரும் மிஸ்டர் லோக்கல் திரைப்படமும் அதே நாளில் வெளிவரும் என்று அறிவிக்கப்பட்டுள்ளது. இது ரசிகர்களிடையே மகிழ்ச்சியை ஏற்படுத்தி உள்ளது.

Source: https://www.tamil32.com/cinema-news/sivakarthikeyan-mr-local-film-all-set-to-release-may-1-along-with-thala-59-movie/
Added yesterdayadd/view comments (0)

DMDK News in Tamil: நாளை மறுநாள் அமெரிக்காவிலிருந்து சென்னை திரும்புகிறார் விஜயகாந்த்

DMDK News in Tamil: நாளை மறுநாள் அமெரிக்காவிலிருந்து சென்னை திரும்புகிறார் விஜயகாந்த்
பா.ஜ.க மற்றும் அதிமுகவுடன் தேமுதிக கூட்டணி அமைக்கப் போவதாக பேச்சுக்கள் அடிபட்ட நிலையில் கட்சியின் தலைவர் விஜயகாந்த் அமெரிக்காவில் இருந்து வந்த பிறகு அதிகாரப்பூர்வமான அறிவிப்பை வெளியிடுவார் என்று தேமுதிக கட்சி நிர்வாகிகள் கூறி வருகின்றனர். இதை அடுத்து நாளை மறுநாள் காலை 8.30 மணி அளவில் சிகிச்சை முடிந்து அமெரிக்காவிலிருந்து விஜயகாந்த் சென்னை திரும்புவார் என்ற தகவல் வெளியாகியுள்ளது. அவர் சென்னைக்கு வந்த பிறகு கூட்டணி குறித்த அறிவிப்பு விரைவில் வெளிவரும் என எதிர்பார்க்கப்படுகிறது.

Source: https://www.tamil32.com/tamilnadu-news/dmdk-chief-vijayakanth-returns-to-chennai-on-saturday/
Added yesterdayadd/view comments (0)

Amit Shah In Tamil Nadu: இன்று தமிழகம் வருகிறார் அமித்ஷா

Amit Shah In Tamil Nadu: இன்று தமிழகம் வருகிறார் அமித்ஷா
மக்களவைத் தேர்தல் நெருங்கி வரும் தருணத்தில் தமிழகத்தில் தனது வாக்கு வங்கியை உயர்த்த வேண்டும் என்ற நோக்கில் பாஜக தலைவர்கள் தமிழகத்தை நோக்கி படையெடுத்துக் கொண்டிருக்கிறார்கள். அந்த வகையில் இன்று பாஜகவின் தேசியத் தலைவர் அமித்ஷா ஈரோட்டிற்கு வருகிறார். ஈரோட்டில் பாஜக கட்சியின் முக்கிய நிர்வாகிகளையும் நெசவாளர்களையும் சந்திக்கிறார். இந்நிகழ்ச்சியில் மத்திய அமைச்சர் பொன் ராதாகிருஷ்ணன் பா.ஜ.க தலைவர் தமிழிசை சௌந்தரராஜன் உள்ளிட்ட முக்கிய நிர்வாகிகள் பங்கேற்கின்றனர்.

Source: https://www.tamil32.com/tamilnadu-news/amit-shah-comes-to-tamilnadu-today/
Added yesterdayadd/view comments (0)

Karthi Dev Tamil Movie Review: கார்த்தி “தேவ்” தமிழ் பட விமர்சனம்

Karthi Dev Tamil Movie Review: கார்த்தி “தேவ்” தமிழ் பட விமர்சனம்
Karthi Dev Tamil Movie Review(2019): கார்த்தி "தேவ்" தமிழ் திரைப்படம் படம் இன்று வெள்ளிக்கிழமை ரிலீஸ் ஆகியுள்ளது.
கார்த்தி - ரகுல் ப்ரீத் சிங் நடிப்பில், ரஜத் ரவிஷங்கர் இயக்கத்தில் இன்று வெளியாகியுள்ள தேவ்படத்தின் விமர்சனத்தை இங்கு காணலாம்.
பணம் மட்டுமே வாழ்கை அல்ல, அன்பு காட்ட ஆள் இல்லேனா அது வாழ்கையே இல்லை என்பதே படத்தின் கதை. intouchables படத்தை தழுவி எடுக்கப்பட்ட இந்த படத்தின் நாயகன் தேவ்(கார்த்தி)வாழ்க்கையில் ரொம்ப ஜாலியாக இருக்க வேண்டும் என்று நினைப்பவர். இவரது தந்தை ராமலிங்கம் (பிரகாஷ்ராஜ்) பெரிய பணக்காரர். இந்த படம் 2 மணிநேரம் 40 நிமிடம் நேரம் பயணிக்கிறது.
வாழ்க்கையை மிகவும் ரசிப்புத்தன்மையுடன் வாழவேண்டும் என்று நினைக்கும் ஒரு ஆணும், தொழில்துறையில் சாதிப்பது தான் தனது வாழ்க்கை என்று வாழும் ஒரு பெண்ணும் சந்திக்கும் படமே 'தேவ்' படத்தின் கதையாகும்.
ஹாரிஸ் ஜெயராஜ் இசையமைத்திருக்கும் இந்த படத்தின் பாடல்கள் பலராலும் வரவேற்பு பெற்றுள்ளது. இசைக்கு ஏற்றவாறு படத்தின் பாடல் காட்சிகளும் சிறப்பாக படமாக்கப்பட்டுள்ளது.
இருந்தாலும், இந்த தேவ் ஒரு அட்வென்சர் படமா? உண்மையில் இல்லை. படத்தில் நாயகன் இரண்டு முறை எவரெஸ்ட் சிகரத்தை ஏறுகிறார் அதுமட்டுமே. இல்லை இது ரொமாண்டிக் படமா? அதுவும் இல்லை.
படத்தின் நாயகன் 'தேவ்' மற்றும் நாயகி மேக்னா இடையே ரொமான்ஸ் பேஸ்புக் வழியாக தொடங்குகிறது. இது ஒரு உறவுகளுக்கான டிராமாவா? இல்லை. நாயகன் குடும்பத்தில் பிரச்சினைகள் உள்ளது. இது ஆக்ஷன் படமா? அப்படி இருந்தாலும் படத்தில் சில சண்டை காட்சிகள் மட்டுமே உள்ளன.
இந்த படத்தில் பல கேரக்டர்கள் நடித்திருந்தாலும் அவர்கள் நடித்ததற்கான காரணமே தெரியவில்லை. இருந்தாலும், படத்தில் நடித்துள்ள பிரகாஷ் ராஜ், ரம்யாகிருஷ்ணன் சிறப்பாக நடித்துள்ளனர். பல்வேறு லொக்கேஷன்களில் சூட்டிங் செய்யப்பட்டிருந்தாலும், அவை எதுவும் ரசிகர்களை ஆச்சரியத்தில் ஆழ்த்தவில்லை.
படத்தின் கேரக்டர்களுக்கு ஸ்போர்ட்ஸ் விளையாட்டு காஸ்டியூம்கள் கொடுக்கப்பட்டிருந்தாலும் அவை நடிகர்களுக்கு பெரிய பெர்சனாலிட்டியை கொடுக்கவில்லை. படத்தில் ஏகபட்ட டயலாக்கள் அதில் ஒரு லைன் கூட மனதில் நிற்கவில்லை.
இது நல்ல படம் என்ற நினைக்க வைக்கும் வகையில், ரிச்சார்ட் முதல் வேட்டையாடுதல் காட்சி மற்றும் கொலை செய்தல் காட்சி, சிறுமியை வைத்து சிறியளவிலான டிராமா போன்ற காட்சிகளே படத்தில் உள்ளன. ஹீரோயின் ராகுல் ப்ரீத் சிங் கொடுத்த பணியை சரியாக செய்துள்ளார்.
படத்திற்கு பாடல்கள் பக்க பலம் தான் என்றாலும், படத்தோடு பார்க்கும் போது அவை சற்று ஸ்பீடுபிரேக்கர் போல உணரச் செய்கின்றன. அதேபோல படத்தில் வரும் சண்டைக் காட்சிகளும் பெரியளவில் கவனம் ஈர்க்கவில்லை.
"தேவ்" படத்தில் ஒரு கட்டத்தில் எவரெஸ்ட் சிகரம் ஏறும் கார்த்தி, சறுக்கல்களை சந்திக்கிறார். அதேபோல தேவ் படமும் பல இடங்களில் பார்வையாளர்களிடம் சறுக்கி விடுகிறது. எனினும் படத்தில் இடம்பெற்றுள்ள சிறப்பான ஒளிப்பதிவு தேவ் படத்திற்கு வலு சேர்த்து விடுகிறது.
இந்த படத்தின் பட்ஜெட் 50 கோடி ரூபாய் என்று கூறப்படுகிறது. கார்த்தி பட வரிசையில் காஷ்மோரா படத்துக்குப் பிறகு இந்த படம் தான் அதிக பொருட்செலவில் எடுக்கப்பட்டதாகும்.
மொத்தத்தில் இந்த படம் ஒரு முறை பார்கலாம் என்ற ரகமே.

Source: https://www.tamil32.com/cinema-news/tamil-movie-reviews/karthi-rakul-preet-dev-movie-review-in-tamil/
Added yesterdayadd/view comments (0)

AAP Rally In Delhi News: கெஜ்ரிவாலுக்கு நேரில் சென்று ஆதரவு தெரிவித்த சோனியா, ராகுல்

AAP Rally In Delhi News: கெஜ்ரிவாலுக்கு நேரில் சென்று ஆதரவு தெரிவித்த சோனியா, ராகுல்
ஆம் ஆத்மி கட்சி சார்பில் டெல்லியில் நேற்று நடைபெற்ற எதிர்க்கட்சிகள் பேரணியில் தேசிய தலைவர்கள் பலர் கலந்து கொண்டனர். அனைவரும் கலந்து கொள்ளுமாறு ஆம் ஆத்மி கட்சியின் தேசிய ஒருங்கிணைப்பாளர் அரவிந்த் கெஜ்ரிவால் அழைப்பு விடுத்திருந்தார். இந்த அழைப்பை ஏற்று காங்கிரஸ் தலைவர் ராகுல் காந்தி ஐக்கிய முற்போக்கு கூட்டணி தலைவர் சோனியா காந்தி ஆகியோர் அங்கு சென்று அரவிந்த் கெஜ்ரிவாலுக்கு தங்கள் ஆதரவை தெரிவித்தனர். திராவிட முன்னேற்றக் கழக சார்பில் கனிமொழி எம்பி நேரில் சென்று தனது ஆதரவை தெரிவித்தார். இது மக்களவைத் தேர்தலில் எதிர்க்கட்சிகளின் கூட்டணி முன்னோட்டமாக அரசியல் வட்டாரத்தில் கருதப்படுகிறது.

Source: https://www.tamil32.com/india-news/sonia-gandhi-and-rahul-shown-their-support-to-kejriwal-aap-rally-at-jantar-mantar/
Added yesterdayadd/view comments (0)

AAP Delhi Breaking News: டெல்லி எதிர்க்கட்சிகள் பொதுக்கூட்டம் – ஓர் சிறப்பு பார்வை

AAP Delhi Breaking News: டெல்லி எதிர்க்கட்சிகள் பொதுக்கூட்டம் – ஓர் சிறப்பு பார்வை
AAP Delhi Breaking News:எதிர்க்கட்சிகள் அனைத்தும் சேர்ந்து மோடி அரசுக்கு எதிராக பொதுக்கூட்டங்கள் நடத்துவது வாடிக்கையாகி விட்டது

சில மாதங்களுக்கு முன்பு அனைத்து எதிர்கட்சிகளையும் கூட்டி பொதுக்கூட்டம் ஒன்றை ராகுல் காந்தி நடத்தினார்.

அதையடுத்து கடந்த ஜனவரி 19 ஆம் தேதி கொல்கத்தாவில் திரிணாமுல் காங்கிரஸ் கட்சியின் தலைவர் மம்தா பானர்ஜீ 22 எதிர்கட்சிகளை ஒன்று திரட்டி மாபெரும் பொதுக்கூட்டம் ஒன்றை நடத்தினார். அதில் ராகுல் காந்தியும் கலந்து கொண்டார். அப்பொழுது பேசிய ஆம் ஆத்மி கட்சியின் தலைவரும் டெல்லி முதல்வருமான அரவிந்த் கெஜ்ரிவால் விரைவில் தானும் இப்படி ஒரு பொதுக்கூட்டத்தை டெல்லியில் நடத்த போவதாக கூறினார்.

அதன்படி டெல்லியின் ஜந்தர் மந்தரில் நேற்று மதியம் ஆம் ஆத்மி கட்சியின் தலைமையில் அனைத்து எதிர்க்கட்சிகளின் ஒன்றிணைந்த பொதுக்கூட்டம் நடைபெற்றது. இதில் கலந்து கொள்ள மம்தாவின் போராட்டத்தில் கலந்து கொண்ட அனைத்து தலைவர்களுக்கும் அழைப்பு விடுக்கப்பட்டிருந்த நிலையில் தி மு க எம் பி கனிமொழி, திரிணாமுல் காங்கிரஸ் தலைவர் மம்தா பானர்ஜீ, தெலுங்கு தேசம் கட்சியின் தலைவரும் ஆந்திர முதல்வருமான சந்திரபாபு நாயுடு, ம.ஜ.த தேசிய தலைவர் தேவ கவுடா, ஜம்மு-காஷ்மீர் முன்னாள் முதல்வர் பரூக் அப்துல்லா, தேசியவாத காங்கிரஸ் தலைவர் சரத் பவார் உள்ளிட்ட பல எதிர்க்கட்சி தலைவர்கள் பங்கேற்றுள்ளனர்.

ஆம் ஆத்மி டெல்லி எதிர்க்கட்சிகள் பொதுக்கூட்டம்: AAP Mega Opposition Rally at Jantar Mantar, New Delhi – A Glance
காங்கிரஸ் சார்பில் அதன் தலைவர் ராகுல் காந்தி, ஐக்கிய முற்போக்கு கூட்டணி தலைவர் சோனியா காந்தி ஆகியோர் பங்கேற்றனர்.

மம்தா பானர்ஜீ பேசுகையில், “பா ஜ க ஆட்சியில் டெமோகிரசி மோடிகிரசி ஆகிவிட்டது. இன்று தான் மக்களவையில் மோடிக்கு கடைசி நாள். இன்னும் 20 நாட்கள் தான்; அதற்கு பிறகு அவரால் ஒன்றும் செய்ய முடியாது. மேற்கு வங்கத்தில் என்ன முயற்சிகள் செய்தாலும் மோடி அரசு கால்பதிக்க முடியாது. அனைத்து தொகுதிகளிலும் திரிணாமுல் காங்கிரஸ் கட்சியே வெல்லும்.

கண்ணாடியில் உங்களையே பாருங்கள்; ராவணனுக்கும் 56 இன்ச் மார்பு தான் இருந்தது. ஷோலே திரைப்படத்தில் தூங்கிவிடு இல்லை என்றால் கஃபர் சிங்க் வந்துவிடுவான் என்றொரு வசனம் உண்டு. இந்தியாவிற்கு மோடி தான் கஃபர் சிங். அவரை வைத்து தான் அந்த வசனம் ஊடகங்களுக்கும் அரசியல் தலைவர்களுக்கும் தற்பொழுது சொல்லப்பட்டு வருகிறது.” என்று கூறினார்.

ஆம் ஆத்மி டெல்லி எதிர்க்கட்சிகள் பொதுக்கூட்டம்: AAP Mega Opposition Rally at Jantar Mantar, New Delhi – A Glance
அரவிந்த் கெஜ்ரிவால் பேசுகையில், “ மோடி ஜி நீங்கள் இந்தியாவின் பிரதமர். பாகிஸ்தானிற்கு அல்ல. எந்த இந்திய பிரதமராவது டெல்லியையும் கொல்கத்தாவையும் பாதிப்பிற்குள்ளாக்க நினைப்பாரா?” என்று கூறினார்.

பரூக் அப்துல்லா பேசுகையில், “கடவுள் ராமர் மோடிக்கும் அமித் ஷாவிற்கு மட்டும் தான் சொந்தமானவரா? அவர் அனைவருக்கும் பொதுவானவர். உங்கள் மறைவிற்கு பின் நீங்கள் அவரிடம் செல்லும் பொழுது அவர் உங்களை மன்னிக்க மாட்டார்” என்று கூறினார்.

மக்களவை தேர்தல் நெருங்கி கொண்டிருக்கும் இந்த வேளையில் மோடி அரசுக்கு எதிராக இவ்வாறு எதிர்க்கட்சிகள் கை கோர்த்திருப்பது பா ஜ க அரசிற்கு சருக்கலாகவே அமைந்துள்ளது. ஏற்கனவே வேலையில்லாத் திண்டாட்டம், ரபேல் விமான கொள்முதல், விவசாயிகள் பிரச்சனை என எதிர்க்கட்சிகளின் வாயில் சிக்கி தவித்து கொண்டிருக்கும் மோடி அரசுக்கு இது இன்னொரு பாரமே.

Source: https://www.tamil32.com/india-news/aap-mega-opposition-rally-at-jantar-mantar-new-delhi-a-glance/
Added yesterdayadd/view comments (0)

Thala 59: ‘தல 59’ படம் கால்வாசி இயக்கி முடித்த எச்.வினோத்!

Thala 59: ‘தல 59’ படம் கால்வாசி இயக்கி முடித்த எச்.வினோத்!
போனிகபூர் தயாரிப்பில் இயக்குனர் எச்.வினோத் இயக்கத்தில் அஜித் நடித்து வரும் தல 59 படம் அஜித் இல்லாமல் 30 சதவீதம் படப்பிடிப்பு முடிந்துவிட்டதாம். ஹீரோயின்களை வைத்தே படத்திற்கு சம்பந்தமான மற்ற காட்சிகளை இயக்குனர் எடுத்து முடித்து விட்டாராம். அதன்படி மே முதல் தேதி அஜித் பிறந்தநாளான அன்றைய தினம் தல 59 படம் ரிலீசாகும் என அறிவிக்கப்பட்டுள்ளது. பாலிவுட்டில் மாபெரும் வெற்றி பெற்ற பிங்க் படத்தின் ரீமேக் இது.

Source: https://www.tamil32.com/cinema-news/director-vinoth-complete-30-percentage-of-ajith-59-pink-remake-movie/
Added yesterdayadd/view comments (0)

நீங்களே மீண்டும் பிரதமராக வேண்டும் என வாழ்த்திய முலாயம் சிங்

நீங்களே மீண்டும் பிரதமராக வேண்டும் என வாழ்த்திய முலாயம் சிங்
இன்று மக்களவையில் சமாஜ்வாதியின் முன்னாள் தலைவர் முலாயம் சிங் உரை நிகழ்த்தினார், அப்போது மக்களவையில் உள்ள அனைவருமே மீண்டும் வெற்றி பெற வேண்டும் என கூறினார், அதன்பின்னர் பிரதமர் மோடியை பார்த்து மீண்டும் நீங்களே பிரதமதராக வேண்டும், என வாழ்த்து தெரிவித்தார். இது அருகில் அமர்ந்திருந்த சோனியா காந்திக்கு பெரும் அதிர்ச்சியாய் அமைந்தது. பகுஜன் சமாஜ் கட்சியின் தலைவரான மாயாவதியும் சமாஜ்வாதி கட்சியின் தலைவர் அகிலேஷ் யாதவும் பாஜகவுக்கு எதிராக அணி சேர்த்து வரும் தருணத்தில் முலாயம் சிங் இவ்வாறு பேசியிருப்பது தேசிய அரசியலில் அதிர்வலையை ஏற்படுத்தியுள்ளது.

Source: https://www.tamil32.com/india-news/mulayam-singh-wishes-to-see-narendra-modi-as-prime-minister-again/
Added yesterdayadd/view comments (0)

Puducherry Breaking News: கிரண்பேடியை எதிர்த்து முதல்வர் நாராயணசாமி தர்ணா

Puducherry Breaking News: கிரண்பேடியை எதிர்த்து முதல்வர் நாராயணசாமி தர்ணா
புதுச்சேரியின் துணை நிலை ஆளுநர் கிரண்பேடியை எதிர்த்து அம்மாநில முதலமைச்சர் நாராயணசாமி மற்றும் அமைச்சர்கள் தர்ணாவில் ஈடுபட்டுள்ளனர், இது வரை மாநில அரசு சமர்பித்த 30 திட்டங்களுக்கு அனுமதி வழங்காத்தை கண்டித்தும், மக்கள் நலன் சார்ந்த திட்டங்களை நடைமுறை படுத்த ஆளுநர் தடையாய் உள்ளார் என கூறி முதல்வர் நாராயணசாமி ஆளுநர் மாளிகை முன் தர்ணாவில் ஈடுபட்டுள்ளது பெரும் பரபரப்பை ஏற்படுத்தியுள்ளது. இதனால் துணை ராணுவம் வரவழைக்க பட உள்ளதாக தகவல்.

Source: https://www.tamil32.com/tamilnadu-news/puducherry-cm-narayanasamy-and-his-ministers-protest-against-governor-kiran-bedi/
Added yesterdayadd/view comments (0)

பாஜக, பாமக, தேமுதிக உடன் அதிமுக ரகசிய கூட்டணி பேச்சுவார்த்தை?

பாஜக, பாமக, தேமுதிக உடன் அதிமுக ரகசிய கூட்டணி பேச்சுவார்த்தை?
அதிமுக கூட்டணி குறித்த அறிவிப்பை மாநிலமே எதிர்பார்த்து வரும் நிலையில் கட்சி தலைமை அமைதி காத்து வருகிறது. இது பற்றி எழுப்பப்பட்ட கேள்விக்கு பதிலளித்த கட்சியின் துணை ஒருங்கிணைப்பாளர் வைத்தியலிங்கம், “பாஜக, பாமக மற்றும் தேமுதிக உடன் அதிமுக ரகசிய கூட்டணி பேச்சுவார்த்தையில் ஈடுபட்டு வருவதாகவும் விரைவில் கூட்டணி குறித்த அதிகாரபூர்வ அறிவிப்பு வரும்” என்றும் கூறியுள்ளார்.

Source: https://www.tamil32.com/tamilnadu-news/lok-sabha-election-2019-tamilnadu-aiadmk-in-secret-talks-with-bjp-pmk-and-dmdk-on-alliance/
Added 2 days agoadd/view comments (0)

“துக்ளக்” படத்தில் விஜய் சேதுபதி ஜோடியாகிறார் சமந்தா

“துக்ளக்” படத்தில் விஜய் சேதுபதி ஜோடியாகிறார் சமந்தா
விஜய் சேதுபதி நடிக்கும் துக்ளக் படத்தின் அறிவிப்பு அண்மையில் வெளியிடப்பட்டது. இந்த படத்தில் விஜய் சேதுபதிக்கு கதாநாயகியாக சமந்தா நடிக்கவுள்ளார். இது அரசியல் ரீதியான கதை என்பதால் ஒரு பொறுப்பான அரசியல்வாதியாக சமந்தா நடிக்க இருப்பது ரசிகர்களிடையே எதிர்பார்ப்பை அதிகரித்துள்ளது.

Source: https://www.tamil32.com/cinema-news/samantha-to-team-up-with-vijay-sethupathi-in-thuglak/
Added 2 days agoadd/view comments (0)

இன்னும் சில ஆண்டுகள் மட்டும் உயிருடன் இருப்பேன் – கண்கலங்கிய வைகோ

இன்னும் சில ஆண்டுகள் மட்டும் உயிருடன் இருப்பேன் – கண்கலங்கிய வைகோ
கல்லூரி மாணவர்களிடையே காந்தி என்கின்ற தலைப்பில் பேசிய வைகோ, காந்தியின் நினைவு நாளில் அவருடைய உருவ பொம்மை பூஜா பாண்டே என்பவரால் சுட்டு தீயில் எரித்து கொண்டாடப்பட்டதை நினைவுகூர்ந்து கண் கலங்கினார். நா தழுதழுக்க தொடர்ந்து பேசிய அவர், நான் ஒரு போராளி. எனக்கு தோல்வியே கிடையாது. நாட்டின் மதச்சார்பின்மையை காப்பாற்ற தொடர்ந்து போராடுவேன். நான் இன்னும் சில ஆண்டுகள் மட்டும் தான் உயிருடன் இருப்பேன். ஆனால் வாழும் ஒவ்வொரு நிமிடமும் தமிழக மக்களுக்காக குரல் கொடுப்பேன் என்று உணர்ச்சி பொங்க பேசினார்.

Source: https://www.tamil32.com/tamilnadu-news/vaiko-sentiment-speech-in-trichy-jamal-mohamed-college/
Added 2 days agoadd/view comments (0)

சென்னையில் நில அதிர்வு – முழு விவரம்

சென்னையில் நில அதிர்வு – முழு விவரம்
Chennai Earthquake News: சென்னையில் நேற்றைய காலை எப்போதும் போல இல்லை. படு பிஸியாக அவரவர் படிப்பிடங்களை நோக்கியும் அலுவலகங்களை நோக்கியும் போய்க்கொண்டிருந்த மக்கள் ஓரிரு வினாடிகள் பீதியில் உறைந்து போனார்கள்.

காலை 7.02 மணியளவில் சென்னையின் சில இடங்களில் நில அதிர்வு உணரப்பட்டது. ரிக்டர்அளவில் 5.1 ஆக பதிவாகியுள்ள இந்த அதிர்வு 2-3 வினாடிகள் மட்டுமே நீடித்துள்ளது. குறிப்பாக தியாகராய நகர், போரூர், ஆலந்தூர் ஆகிய பகுதிகளில் இந்த நில அதிர்வை மக்கள் அதிகம் உணர்ந்துள்ளனர்.

சென்னையிலிருந்து 609 கிலோமீட்டர் தொலைவில் மத்திய மேற்கு வங்க கடலுக்குள் 10 கிலோமீட்டர் ஆழத்தில் இந்த நில அதிர்வு மையம் கொண்டிருந்துள்ளது. அந்தமான் மற்றும் சென்னையில் இதன் தாக்கம் பதிவாகியுள்ளது. வானிலை மையத்தால் சுனாமி எச்சரிக்கை எதுவும் அறிவிக்கப்படவில்லை.

உயிர் மற்றும் பொருள் சேதம் ஏதும் ஏற்படவில்லை எனினும் இந்த திடீர் நில அதிர்வு சென்னை மக்களை திடுக்கிட வைத்து விட்டது என்றே சொல்லலாம்.

நில அதிர்வு குறித்த செய்திகள் சமூக வலைத்தளங்களில் பதிவிடப்பட்டதால் வெளி ஊரில் உள்ள மக்கள், சென்னையில் வசிக்கும் தங்களது சொந்தங்களின் நலன் பற்றி பயந்து போயினர். அவரவர் சொந்தபந்தங்களின் பாதுகாப்பு பற்றி விசாரிப்பதிலேயே தொடங்கியது நேற்றைய நாள். இன்றும் மக்கள் காலை சற்று பீதியுடனேயே தங்கள் அன்றாட வேலைகளை தொடங்கியுள்ளனர்.

Source: https://www.tamil32.com/tamilnadu-news/tremors-felt-in-chennai-city-as-magnitude-5-1-earthquake-hits-bay-of-bengal/
Added 2 days agoadd/view comments (0)

ஹஜ் ஒதுக்கீட்டு இடங்களை அதிகரிக்க எடப்பாடி பழனிச்சாமி கோரிக்கை

ஹஜ் ஒதுக்கீட்டு இடங்களை அதிகரிக்க எடப்பாடி பழனிச்சாமி கோரிக்கை
2019 ஆம் ஆண்டு ஹஜ் பயணத்திற்கு தமிழகத்திற்கு 3534 இடங்களை மத்திய அரசு ஒதுக்கியது. இந்த நிலையில் இதுவரை ஹஜ் பயணத்திற்காக 6379 விண்ணப்பங்கள் பெறப்பட்டுள்ளன. விண்ணப்பித்தவர்களில் பெரும்பாலானோர் யாத்திரையில் கலந்து கொள்ள முடியாத நிலை உள்ளதால் கூடுதலாக 1,500 ஹஜ் பயண ஒதுக்கீட்டை அளிக்குமாறு வலியுறுத்தி பிரதமர் நரேந்திர மோடிக்கு தமிழக முதலமைச்சர் எடப்பாடி பழனிச்சாமி கடிதம் எழுதியுள்ளார்.

Source: https://www.tamil32.com/tamilnadu-news/tamilnadu-chief-minister-edappadi-palanisami-requests-prime-minister-to-allot-additional-1500-hajj-seats/
Added 2 days agoadd/view comments (0)

பிரதமர் மோடி கலந்துகொண்ட அரசு நிகழ்ச்சிகளில் தமிழ்த்தாய் வாழ்த்து, தேசிய கீதம் இல்லை மு.க. ஸ்ட

பிரதமர் மோடி கலந்துகொண்ட அரசு நிகழ்ச்சிகளில் தமிழ்த்தாய் வாழ்த்து, தேசிய கீதம் இல்லை மு.க. ஸ்ட
தமிழகத்தில் பிரதமர் மோடி பங்கேற்கும் அரசு நிகழ்ச்சிகளில், தமிழ்த்தாய் வாழ்த்தும், தேசிய கீதமும் இசைக்கப்பட வேண்டுமென்கிற மரபு மீறப்படுவது ஏன்? தமிழில் பேச வேண்டும், திருக்குறளை மேற்கோள் காட்ட வேண்டுமென தெரிந்த பிரதமருக்கு இந்த மரபு தெரியாமல் போனது ஏன்? என கேள்வி எழுப்பியுள்ளார்.

Source: https://www.tamil32.com/tamilnadu-news/why-no-tamil-thai-vazhthu-on-pm-modi-programs-mk-stalin-condemns/
Added 2 days agoadd/view comments (0)

sign in

Username
Password
Remember Me


New to IM faceplate? join free!

Lost Password? click here